【性病懶人包】HPV、梅毒、淋病點分?一文睇清傳播途徑+症狀+治療方法
「成日聽朋友講中咗HPV、有啲人話驗到梅毒，搞到我都驚自己中招!到底呢啲性病有咩分別?要點驗、點醫先搞掂?」
— 阿Wing|27歲|荃灣 OL
你有冇試過：私處癢、出紅疹、分泌物多得好唔自然?又唔知係婦科發炎，定係中咗性病?
今次就一次過幫你 拆解HPV、梅毒、淋病三種常見性病，俾你睇得明、知得清，唔再驚、唔再拖!
🌸一文睇清三種常見性病/病毒|分分鐘你以為係炎，其實係性病…
| 性病名稱 | 病原類型 | 傳播途徑 | 常見症狀 | 會唔會自癒？ |
|---|---|---|---|---|
| HPV（人類乳頭瘤病毒） | 病毒 | 性接觸、皮膚摩擦 | 私處長粒粒／菜花、宮頸病變 | 有啲型號會自癒，但高危型唔可輕視 |
| 梅毒（Syphilis） | 細菌 | 性行為、口交、接觸破損皮膚 | 潰瘍、紅疹、淋巴腫脹 | 唔會自癒，要食抗生素 |
| 淋病（Gonorrhea） | 細菌 | 陰道交、肛交、口交 | 分泌物異常、尿痛、下腹痛 | 唔會自癒，需即時醫治 |
「最初只係覺得有分泌物多咗，帶少少黃色，同埋有啲痕癢。去私家婦科check，醫生建議我做STD全面篩查。點知報告話我中咗淋病，嚇到我即刻問係咪對方出事。
醫生話好多香港女仔都係無意中中招，唔覺得痛，就一直拖，最後影響盆腔。好彩我早發現，用抗生素一星期搞掂晒。」
— Carmen|31歲|將軍澳
🔬邊啲情況要驗性病?你可能已經中招但唔自知!
以下情況建議你主動去驗：
同唔熟悉嘅對象發生過性行為(有/冇用套都建議)
私處有異味/分泌物變多/出現痕癢/尿痛
最近有潰瘍、紅疹，但又唔係蚊叮咁簡單
男/女朋友驗出陽性(即使你冇症狀都可能有)
計劃懷孕或即將打HPV疫苗，做足檢查會更安心
✅ 常見驗法：
HPV DNA 高危＋低危型號篩查
梅毒抗體＋RPR試驗（現階段有冇活動）
淋病尿液PCR／宮頸分泌物篩查
| 地區 | 收費（港幣） | 報告時間 | 推介 |
|---|---|---|---|
| 香港私家診所 | $1.200 – $3.800 | 2–5日 | MediFast / PathLab / 專科婦科 |
| 深圳婦科中心 | 約$400 – $1.200（人民幣） | 最快即日 | 羅湖、福田、怡康 / 和美醫院等 |
🔎 小貼士：深圳做可以即日報告，價錢平足一大截，唔少香港人選擇週末過去check下就返嚟。
| 性病 | 治療方法 | 注意事項 |
|---|---|---|
| HPV | 暫時冇針對藥物，需靠自身免疫力＋監察變化，可配合私密激光清除菜花 | 建議定期做宮頸抹片／陰道鏡，觀察有冇癌前病變 |
| 梅毒 | 抗生素注射（如青黴素），分階段治療 | 千祈唔好自行停藥，需跟足療程 |
| 淋病 | 抗生素口服或針劑療法 | 性伴侶都需一齊治療，避免交叉感染 |
✅性病預防清單|做齊呢幾步，安全感滿分
🔐 建議做：
✔ 固定性伴侶
✔ 發生性行為時全程使用安全套(包括口交)
✔ 每半年驗一次性病(特別係活躍期)
✔ 接種HPV疫苗(香港+深圳都有三針選擇)
❌ 禁忌行為：
✘ 親密接觸前唔講明檢查記錄
✘ 有症狀仲照樣發生性行為
✘ 相信「食藥會好返」而拖住唔醫
性病唔係咩見不得光嘅事，一個決定唔代表你錯，而係點樣識得補救先係重點!
HPV、梅毒、淋病各有風險，但有得醫、有得防，最緊要唔好怕醜，肯主動驗＋早期處理!
📌 想知深圳邊度可以即日驗HPV/性病?醫生信唔信得過?
