懷疑宮外孕點辦?點樣知道係咪正常懷孕?有咩征狀?
「驗到兩條線，但成日肚痛，仲會點滴血…會唔會宮外孕呀?」
呢個問題，系唔少初懷孕嘅女性都驚過。宮外孕唔止系“唔好彩”，如果唔及早處理，仲可能有生命危險!
今次一文幫你 拆解宮外孕係咩、點分真假懷孕、常見征狀同處理方法。
宮外孕(Ectopic Pregnancy)即係受精卵唔喺子宮著床，反而卡喺輸卵管、卵巢、宮頸等其他地方。
正常嘅懷孕應該系胚胎喺子宮安穩生長，宮外孕就好似“走錯路”，無可能順利生BB，仲可能隨時爆裂出血。
有咩征狀可以判斷?
頭幾星期宮外孕症狀唔算明顯，好多同正常懷孕初期症狀重疊，但以下情況要特別小心：
持續性單邊下腹痛(有啲似經痛，但集中喺一邊)
陰道點滴出血(有時被誤以為M黎)
驗孕棒係陽性(兩條線)，但B超照唔到宮內胎囊
頭暈、虛脫感(系有內出血時先出現)
⚠️ 如果肚劇痛+暈眩+心跳急速=要即刻送院!可能係輸卵管爆裂!
「我系大概第6星期嗰陣開始覺得唔對路，明明驗咗有咗，但照B超醫生話宮內無見到任何胚囊。當時好擔心，以為系宮外孕，入院再照先發現真係卡咗喺輸卵管，最後做咗微創手術切咗一邊輸卵管，慶幸發現得早。」
醫生會安排以下檢查：
血液hCG激素檢測
hCG水平應該每兩日翻倍增長，如果上升緩慢，有機會係異常懷孕
陰道超聲波檢查(TVS)
檢查子宮內有沒有胎囊
睇輸卵管附近有無腫塊或積血跡象
通常系 懷孕5-6周，就應該見到宮內孕囊，如果照極都無，宮外孕機會就要高度警覺。
要視情況處理，一般有以下幾種：
藥物治療(MTX甲氨蝶呤注射)：適合早期、無破裂者
微創腹腔鏡手術：清除胚胎或切除輸卵管
緊急手術：若已經破裂，要立刻止血+移除受損組織
醫生會根據胚胎位置、大小、hCG值同你身體狀況決定。
建議：
一旦驗孕陽性+有下腹痛，盡快驗B超
懷孕史、宮外孕史、輸卵管手術過嘅人特別要注意
若已確診宮外孕，之後想再懷孕建議至少間隔6個月
禁忌：
唔好等拖太耐，宮外孕系會爆裂流血嘅
唔好靠止痛藥頂住，拖延只會增加風險
千祈唔好自己網購藥流藥亂食
總結：宮外孕真唔罕見，關鍵喺早發現+早處理
關鍵詞: 宮外孕
